හොරණ ප්රාදේශීය සභාව ජනතාවගේ ජීවිත සුඛිත මුදිත කරනු පිණිස බල ප්රදේශය පුරා භෞතික සංවර්ධන අවශ්යතාවන් වෙනුවෙන් විශේෂ අවධානය යොමු කරන ලදී. ඒ අනුව අවම පිරිවැයක් යටතේ ප්රශස්ත ප්රමිතියකින් ඵලදායී සේවාවක් ජනතාව වෙත ලබා දීමට ඍජු ශ්රමික පදනමින් බහුතර ව්යාපෘති සංඛ්යාවක් සිදු කරන ලදී. මෙහි දී 2022 වසර තුළ බල ප්රදේශයේ සිදු කළ සමස්ත කර්මාන්ත වෙනුවෙන් වැය කළ සභා අරමුදල්වල වටිනාකම රු. 28,555,812.00 කි. සභා අරමුදලින් පසුගිය වසරේ ගොඩනැගිලි ඉදි කිරීම්, මාර්ග සංවර්ධනය ආදී ව්යාපෘති සඳහා ප්රමුඛතාවය ලබා දී ඇත.
සභා කර්මාන්ත හැරුණු විට පළාත් සභා ව්යාපෘති යටතේ රු. 4,857,983.97ක් වැය කරමින් විශාල ව්යාපෘති ප්රමාණයක් 2022 වර්ෂයේ හොරණ ප්රාදේශීය සභාවේ ක්රියාත්මක බලධාරීත්වය ඇතිව සිදු කර අවසන්ව ඇත.
මෙම අංශය තුළින් පොදු ඉඩම්, සුසාන භූමි, පොදු ළිං, පොදු ගොඩනැගිලි පිළිබඳ තොරතුරු ලබා දීම, මහජන පැමිණිලි, අනතුරුදායක ගස් පිළිබඳ තීරණ ගැනීම, ව්යාපෘති ප්රගතිය වාර්තා කිරීම යන කාර්යයන් ඉටු කරනු ලබයි.
රජය විසින් පනවන ලද ජාතික අයවැය චක්රලේඛ අංක 03/2022 හි 03 හි සදහන් වියදම් දැරීමේදී හා ව්යාපෘති ක්රියාත්මක කිරීමේදී ද අනුගමනය කළ යුතු ක්රියා පටිපාටියට යටත්ව හා 2022.09.27 දිනැතිව නිකුත් කරන ලද PL/7/10/7 – තාව යොමු අංකය වන සංශෝධිත චක්රලේඛයට ද අනුගත වෙමින් ජනහිතකාමී කාර්යක්ෂම සේවාවක් වෙනුවෙන් අත්යාවශ්යම ව්යාපෘති පමණක් මෙම වර්ෂයේදී සිදු කරන ලදී .
ඒ අනුව පහත ලෙස ව්යාපෘති හා නඩත්තු කටයුතු දැක්විය හැක.
1. සභා ව්යාපෘති
2. පළාත් සභා ව්යාපෘති
3. පෙරමුසු / හියුම් පයිප්ප යොදා මාර්ග නඩත්තු කිරීම